يعنى تصحي الساعه سته الصبح تشوف اجمل شروق لاجمل شمس
تشم اجمل ريحه " العيش و الفول والطعيمه " سخنين نار
تشوف الاتوبيس مليان بالناس وبيوقف يحمل ناس تانى
تسمع اجمل اذان من اصغر الجوامع , جرس المدارس , جرس الكنايس
تسهر احلى سهره على كورنيش النيل
تمشي على كوبري القصر النيل وتحس انك هتقع لما تيجى عربيه تعدي بسرعه
تشرب احلى حلبسه " حمص الشام " فى عز التلج وبعدها تبقى داقي جداُ
يعنى لما يجي العيد تشوف الافران كلها ملايانه ستات بيخبزوا كحك وبسكوت وبيوزعوا على الناس
و يوم صلاه العيد ستات , رجاله , اطفال , بنات وصبيان رايحين يصلوا والتكبير فى مصر كلها
تسمع اعلى تصفيق يوم لما مصر تكسب الكاس والاعلام فى البلد كلها
عينيك توجعك من كتر شعارات الاهلي والزمالك
يعنى تسمع نكت من واحد غريب ما تعرفوش وتقعد تضحك طول عمرك عليها
ولما يجي اول يوم للمدارس الكل فرحان وكأنه عيد
تنزل التحرير تلاقي عبارات بتعبر عن الشعب اللى نزل واخد حقه بأيده وتفتكر ثوره 25 يناير
تروح سيما وتشوف فيلم للساعه 3 الفجر وتحس ان الساعه لسه 9
تاكل احلى كشري واجمل كباب وكفته وألذ ام علي
تلاقي تجمعات عند طوابير العيش اللى بيكون مكان للحكاوي والقصص
من الاخر مصر احلى بلد مع احترامي للبلاد الاخرى
ليست هناك تعليقات:
إرسال تعليق