ماذا بِكي يا نفسي ؟

هو أحنا ليه كل لما نكبر بتوحشنا نفسنا اكتر زي مصر بضبط كل لما يعدي يوم  عليها جديد نرجع ونقول فين مصر فين ايام زمان يا ترا العيب من مين؟؟! ليه حالنا كل شويه يتغير الصبح نكون فرحانين جدا ومره واحده تلاقينا اكتئبنا وزعلنا , هو عشان احنا البشر  فاحنا خطائين ولا دا عقاب لينا من ربنا على كتر ذنوبنا , طيب الاهم والاهم من دا كله ايه الحل نبعد عن الناس ؟ طيب ومصر هنبعد عنها ازاي ؟! ولا يمكن احنا اللى فينا الغلط ومش شايفين !!! يعني اللى بيحصل في مصر دلوقتى يا ترا سببه ايه وايه حله اما كل مجموعه في ناحيه شكل لازم نراجع نفسنا ونرجع لربنا قبل ما يفوت الأوان

قصيده دم شهـــــــــــــــــــــــيد

جدع يا باشا ضربتنـــــى .. من نور عينى حرمتــنى
و نسيت يا باشا انى بطل .. عمر الرصاص ما يهزنى
اضرب وركز فى النيشان .. افرح قوى انك جــــــــبان
صاحبك فى سينا راح شهيد .. وانت بتتدارى فى حيطان
فكرك يا باشا انى بشوف .. عشقى لبلادى بالعيـــــــــون
انا جيت هنا علشـــان بلد .. وتار شهيد دمـــــــــه راح هدر
ودموع ابـوه وحلم بكرة بيتولد .. وطار حلفنا نرجعــــــوه
لو من عنيا النور خمــد .. ملايين بدالـــــــــــــــــــى هيشوفوه
اضرب يا باشا اضرب كمان .. و اطلق ديابتك فى الميـــدان
قبلك كلاب صوتـــــــــــهـــا نباح .. واهى قاعده تبكى فى اللومان

  

FaRiDa

سوكي :) لوله :) عموره تراتاترا :) احلى كلمات بحبها من ملاكي الصغير فريده , بدأت قصتى معها فى أول يوم رمضان كنت عند مامتها حوبه نزلنا اول يوم ورحنا فطرنا في بتنا تاني يوم رمضان تعبت ورحنا المستشفى احلى حاجه انه في اليوم دا ماما سابتنا وراحت تصلي العشاء وحوبه بتولد المهم صلت العشاء وكان نفسها تصلي التراويح بس كان يا دوب ياما ماما تصلي التراويح او كانت فريده هتتولد في الجامع , وقفنا عشان نوقف تاكسي واذا بيه ولا تاكسي راضي يودينا هناك راحت ماما شافت اتوبيس وقالت يلا نركب حوبه قعدت في الكرسي التاني و ماما قعدت ورا وانا وقفت مع حوبه لان الاتوبيس كان ملاين على الاخر الله يا فريده بدايه مش تسر ابدا المهم رحنا المستشفى اللى يضحك في الامر ان اللى رايحه تولد رايحه في اتوبيس و عمو احمد جوزها راكب تاكسي المهم طلعت حوبه وكشفت قالها الدكتور لا باقي شويه انزلى اتمشي نزلت حوبه واتمشينا أهم حاجه الشيكولاته الجالكسي اللى جبها عمو احمد ليا و لحوبه بعدين ماما روحت عشان تعمل لنا سحور وتبعته مع عمو احمد وانا وماما فيفي وطنط سلوى قاعدين فى المستشفى  وحوبه طلعت تانى لعنبر الولاده جيه عمو احمد و اتسحرنا , و اتفرج على اللى جاي عمو احمد بيتكلم فى التليفون انا تقريبا حسيت انه كلم مصر كلها بيقول لهم ان حوبه بتولد وماما فيفي نامت وعادي جدا حطت شنطه هدوم فريده ونامت عليها وطنط سلوى كانت ماسكه القران و بتقرأ فضل الحال على ما هو لحد الساعه 7 -8 الصبح ومع صبح يوم التالت من رمضان عرفنا انها ولدت وجابت بنت بعدها اننا نلاقي عمو احمد ابدا وكانه فص ملح وداب  واذا بتليفون ماما فيفي يرن وكان عمو احمد بيقول لها قابلينى على الباب الرئيسي انا وطنط سلوى جبنا رحاب وهنروح شلنا الشنط ورحنا هناك طنط سلوى ماسكه فريده على فكره كل ده ما كناش لسه سمناها بعدين انا اخدت فريده من طنط سلوى عشان تسند حوبه معاهم وماما فيفي ماسكه الشنط وراح عمو احمد وقف تاكسي ركبت انا وماما فيفي وطنط سلوى وحوبه والتاكسي ملا ماما فيفي قالت لعمو احمد اركب اتوبيس وتعالى , تعال باقه للى يضحكك اكتر  ان عمو احمد جاب تاكسي تانى مخصوص ليه لوحده وكان بيسابق التاكسي اللى راكبينه وصلنا البيت انا طلعت بفريده فى اللحظه ديه حسيت بتقرب من فريده بالرغم انى كنت خايفه اشلها عشان جسمها الصغير شلتها وحطتها على السرير حمينها وبعدين انا تعبت ودخلت نمت ولما صحيت عرفت انهم حاطوها بالحضانه الله الله الله ايه البدايه ديه يا فريده سبتينا كده , اللى يهون عليك حاله فريده هو عياط حوبه اللى كان بيموتنى واعتقدها ان بنتها مش هتعيش أستغفر الله العظيم بعدين سافرت السعوديه انا وماما وزيزي وسيف ويوسف قعدوا مع حوبه عشان المدارس بدات لما نزلت باقه لمصر اول وحده حضنتها كانت فريده فى الفتره ديه قربت منها جدا بنيمها و اغيرلها هدومها وبعمل لها تقريبا كده كل حاجه ولا كانى امها التانيه وسبت الدراسه عادى عادى بتحصل مع كل شخص يلاقي شخص بيحيه , احلى حاجه دلوقتى انها رغايه اوى زي انا  وكمان ناصحه زي انا واهم حاجه انها بتحب عموره ولوله زي انا بحبك يا فوفو  :)

حكـــــــــــايـــــــــــــــــه نــــــــــــــــــاس

في كل شارع وفي كل حاره ناس غنيه وناس حياره ... في كل شارع وفي كل حاره ناس غنيه وناس حياره
واللي كان ساكن في حاره ونفسه يسكنله في عماره فجأه يلعب بالفلوس وتسأله يقولك شطاره ... حكاية ناس انا وانت حكايتنا حكاية ناس مغلوب على أمرها والنااااااس بتذلها حكايه نااااااس
واللى غني وراح ماله واتغيرت احواله ولا يمكن يوم هينسى مين اللى ضايعهاله ... واللى غني وراح ماله واتغيرت احواله ولا يمكن يوم هينسى مين اللى ضايعهاله
واللى يفضل يعلى لفوق كأنه في حلم فجأه يفوق يلاقى الحلم حقيقة كبوس ويقول لنفسه يا مية خساره ... حكاية ناس انا وانت حكايتنا حكاية ناس مغلوب على أمرها والنااااااااس بتذلها حكايه نااااااس
واللى خاف من أخرته وحس بذنبه وغلطته و تاب عن كل حاجه في حياته دنيته ... واللى خاف من أخرته وحس بذنبه وغلطته و تاب عن  كل حاجه في حياته دنيته
واللى ملوش في الدنيا ديه حد يشد ايديه ويصعب بجد كل ما يمشي طريق يلاقيه ومالوش اخر يا طريق سد حكاية ناس انا وانت حكايتنا حكاية ناااااااااااس مغلوب على أمرها والناس بتذلها حكايه ناااااااس . محمد عدويه

Zeze

زيزي هي نسمه بتعدي عليك وقت الضيق و في وقت الفرح تلاقي ابتسامتها في المكان كله , ولما تعيط وتنزل دمعتها احس ان حاجه انكسرت جوايا , شعرها الأسود بيفكرنى بأيام كانت ماما تصحى بدري عشان تضفره لها والنور بتاع الاوضه صحينا بدري عشان تلحق باص المدرسه الساعه 6 ولما ترجع من المدرسه تكون جايبه العاب وخواتم وحلويات جديده , يوم عيد ميلادي كان عليها مدرسه ولما رجعت جابلتلي هديه (خاتم توتي ) واحد اصفر والتانى اخضر وكانت بتعشق الشيكولاته بالفراوله والمصاصه التي كانت تقرقع  ولا يوم لما  سرحتلي شعري وحطت عليه برفان وتقولي عشان يبقى ريحته حلوه أنا صدقتها وخلته في الأخر معكبش جوا بعضه , ويوم دخولها الكورال ولما كانت تستعد للاغنيه ولبست القميص الابيض والبنطلون الأسود الواسع اللى كان بتاع ماما ,و يوم لما كنا نروح عند خالي ونركب المراجيح واحنا مروحين كنت اركب معاها وتفضل تعوم جامد وانا اعيط واصرخ تروح موقفه وتنزلي وتلعب هي ايه واقعد انا واحمد تحت عشان كنا خايفين , و لما كنا بالجامع انا كنت مع مدرسه سهله وهى مدرستها كانت صعبه وتعقد تقول على التجويد جامد وتشدد عليه وانا مرتاحه وهى يا عيني قاعده تحفظ بالحركات ,و أحلى ايام لما كنا بنمشي عشان نروح المدرسه ونتاخر وفي مره لاقيت جنيه واقع تحت العربيه قالتلى لو ما كناش اتأخرنا ما كنتيش لاقيتي الجنيه حسستني انى لقيت مليون دولار مثلا مش جنيه عادي اجيب بيه لبنانه بس كان احلى جنيه لاقيته , و أصعب يوم لما رحنا الرياض وكانت بتعيط عشان تروح مع اصحابها المدرسه اللى هما فيها كانت اكتر لحظه صعبت عليا , واخدت شهادتها ونزلت مصر واحنا كنا راجعين على الرياض وسبناها حسيت انها كبرت وما بقتش زيزي اللى كانت بتلعب بشعري وتبوزه ولا زيزي اللى كانت تضحك عليا عشان اخلص كيس الشيبسي قبل ما نتطلع على البيت عشان ماما تجبلي واحد تانى ولما اطلع ماما ولا تجبلي واحد تانى ولا حاجه وهى تغظني وتعد تاكل الشيبسي بتاعها , واللى صعب عليا فراقها انى بدرس بالفصل اللى كانت بتدرس فيه فلما ادخل الفصل وابص على مكانها افتكرها وافتكر لما كانت بتزعقلى على اني بتكلم على المدرسات سواء بأمر حلو او وحش ولما كانت تقول حاجه تزعلى كانت تيجي تحضنى قدام اصحبنا وتقول لا دي سوسو ديه حبيتي كنت اضحك عشان انا عارفه إنها بتحبني ولما كان بتناديني وتقولى يا sis احس وقتها انى مش اختها بس هي واخده اللقب ده غصب عنها بس انا متاكده انا بتحبني :) ساره مجدي