هــــــــل هى النهايه ؟!!!

فى بعض الاحيان ترتفع بنا الدنيا إلى عنان السماء , و فى البعض الاخر تهبط بنا إلى قاع الأرض
ولكن أين نحن من هذا الهبوط و الأرتفاع نحن فى بطن سفينه الحياه نحب ونسهر وناكل من دون ان نشعر
ان هذه السفينه سيأتى لها يوم وتنزل بمينائها حينها لن نقدر على فعل أى شئ حتى الصراخ والكلام
ستصم أذاننا و تنخرس ألستنا و تكف ابصارنا ويتوقف قلبنا عن النبض !!!
وفى نفس اللحظه الناس من حولك تبكى عليك من كثره الفرص التى اضعتها فى حياتك إما بسبب
عمل عملته , او كلمه قلتها , أو فعل فعلته .
وحين تفتح عينك ستجد نفسك أرتفعت إلى اعلى السماء وحينما تود الهبوط لن تستطيع ولن تقدر
لأنك قـــــــــــــــــــــــــــــــــد " مــــــــــــــــــــــــــــــــــــــــــــــــــــــــــــــــــــــــــــــت "
فى هذه اللحظه لن تتمكن من فعل اشياء كنت تود فعلها
ولن تتمكن من قول كلمه احبك لشخص كنت تعشقه
ولن تتمكن من قول كلمه اسف لشخص أخطات فى حقه
لن و لن و لن ولن ....................... إلخ
ويبقى السؤال المحير عندما تأتي نهايتى ماذا فعلت قبل أن تأتى ألى وتفاجئني؟؟؟؟
فيا ليتنى أجد فرصه مناسبه لاقول كلمه احب لناس أثروا فى حياتى  , و كلمه أسف لناس غلطت فى حقهم
ولكن أكثر كـــــــــلـــــــــــــمه أحــــــــــــــــــــب أقــــــــولــــــــــــهــــــا هــــــى " يـــــــــــا رب "

بصمه التشابه

لكل واحد بصمه مختلفه عن التانى , بس هل ممكن ان يكون فيه بصمه متشابهه
مش قصدي البصمه للايد ... لا قصدي البصمه اللى بيسبها الناس وراهم
 اللى بشكل مختصر اسمها أثر اللى بيسيبه الاشخاص وراهم
وهى عامله زي البصمه لانك ممكن تجيب الشخص ده تانى
لان كل واحد ربنا خلقه ليه بصمه مختلفه وديه حكمه احنا نجهلها
بس عمر ما حد سمع عن البصمه المتشابهه ؟!!!!!!!!!!
انا اقولكم البصمه المتشابهه ديه بتكون بين شخصين احد مُحب و التانى المتحب
فالاول بيحاول يقلد كل حركاته وكل تصرفاته لدرجه انك ممن تعتبرهم واحد
 نفس الكلمات اللى بيقولها , نفس الحركات , نفس الالوان , نفس العبارات للشخص التاني
بيرددها اوبقولها  أوبيعملها زي الأعمى
أحياناً بيكون التقليد الاعمى حلو واحيانا لا يكون حلو
لما يكون بين اب وابنه , واحد مراته , ام وبنتها باختصار ناس بتحبك بجد
أما بالنسبه للتقليد اللى مش حلو زي المراهقين وانا بقول كده عن تجربه 
فتلاقي  نفسك بتعمل كل الحركات اللى الشخص دا بيعملها
و بيقلده تقليد متعمد عشان الناس تقول عنه  "لا والله دا نفس حركات فلان او فلانه "
بس احنا ما فكرناش ليه ما يكونش لينا احنا حركات نتميز بها عند غيرنا 
و بعتبر احلى اغنيه ممكن تعبر عن اللى بقولوه اغنيه مكى ودنيا واللى بتقول 
                                             " ما تحولش تبقى حد تاني غير نفسك خليك واثق فى نفسك " .

الدنـــــــــــــيا ... بأطعمه مختلفه

كل واحد بيعرف الدنيا على طريقته او الطريقه اللى شايف بيها الدنيا :)  تعالوا نشوف يعنى ايه ان الدنيا ليها نكهات مختلفه , وازاى الناس شايفه الدنيا غير بعضهم كل واحد ليه معنى وليه صوره وليه غايه مختلفه عن التاني .
المعلم : درس (تتعلم منه و تطبقه )
الدكتور : عمليه جرحيه ( لازم تحضر أدواتك اللى بستخدمها )
الطالب : اختبار ( تدرس وتستعد له لتخوضه )
المهندس : بناء ( لونه بما تشاء و بما تحب و شكله على ذوقك )
الطفل : لعبه ( يلعب بيها متى يشاء ويتركها )
رجل الاعمال : صفقه ( تتم او لا تتم حسب الطريقه التى خططت لاستعمالها )
التاجر : بضاعه ( يسوقها لمن يشاء )الموسيقار : نغمه ( يعزفها كيف يشاء و لمن يشاء )
المذيع : فقره ( يقدمها على طريقته )
الكاتب : روايه او قصه ( يضمن فيها من يحب ومن يكره ولكنها على طريقته وحده )
القارئ : كتاب ( ينتقي ما يريد قراته )
مصور : صوره فوتغرافيه ( ذات ألوان بهيجه ومناظر خلابه أو ذات منظر غريب لم يره احد )
الطباخ : وجبه ( يضيف لها نكهته  المفضله )
الممثل : دور ( يأما يعجبك فتكمل او لا يعجبك فتتوقف )
المحاسب : عمليه حسابيه ( يجب طرح بعض الامور و امور يجب قسمتها وامور يجب ان تجمع )
السواق : محطات ( بينزل ناس وبيركب غيرهم )
لاعب الكوره : مباراه "متش " ( بيتدرب قبلها و لما يجي المتش بيعلب على قد تدريبه )
الصيدلانى : مرض ( يوصف له دواء معين )
أنــــــــــــــــــــا : فانيه (قال تعالى " كل من عليها فان ويبقى وجه ربك ذى الجلال والإكرام " )

أوقــــــــــــــــــــــات

أوقات ببقى حاسة إنى عايزة أقول لناس معينة ..انتم فين ؟؟  إزاى ما بتسألوش عليا ! أنتم واحشنى جداا بس مش بعرف أقول وحشتونى .. مفتقدة إحساسنا بالحب المتبادل , مفتقدة إرتياحى لما بتكلم معاكم ..مفتقدة دعمكم ليا ..ازاى مش حاسين إنى محتاجلكم أوى .

قرأت بالأمس هذه الجملة

(( حتىْ آولئكِ ! آلآشدِ آهميهِ فيّ حيآتنآ , يُصبحونْ شيئاَ غريبآ كلمَآ : إرتفعَ جدآر آلغيآبَ بيننآ وَ بينهم . .!! ))) 




أدركت صحتها حالما قرأتها .. 
          أحيانا يصيبنى الأرق من شدة إحتياجى لأُناس يظنون بصمتى أنى لم أعد بحاجة إليهم ..و لكن ربما أحتاج أن يعرفوا أننى بانتظار سؤالهم عنى ..لأنفجر فى سرد كل ما أبيت البوح به دون سؤال ..أشكو إليهم بعدهم عنى ..هواجسى و مخاوفى التى تردد بين ضلوعى فتُردينى صريعة الإكتئاب .. أستمد منهم الأمان و الثقة ..بودى لو استطعت أن أبوح لهم بحبى الشديد 


        أعجب كثيرا ..كيف يمكن أن يكون هناك شخص يحبك بجنون ربما لأسباب  و ربما بدون أى أسباب ..يحبك لدرجة أنه قد تنبهر إن عرفت مقدار هذا الحب ..كيف يكون بجانبك كل هذا الحب و لا تشعر به ..حتى إن لم يُترجم لك فى صورة ما ..لكنه موجود ..بالتأكيد موجود ..موجود بقوة تدفع صاحبه لأن يشتاق إليك إلى حد الجنون ..و لكنه لا يستطيع البوح بمكنون ما فى قلبه ..فلا تشعر أنت بأى شئ ...
        
        من أشد ما تمنيته مقياس يبين لصاحبه مقدار الحب الذى يكنه له الآخرون ..أعرف أن هذا مستحيل ..و لكننى أتمناه بشدة ..وعلى الرغم من إدراكى  أن هذا المقياس لن يفيد بأى شئ لو لم يكن الطرف الآخر على استعداد لتلقى هذا المحبة.. و التمتع بدفئها ..


إن لم تفضلوا هذا الحديث أو لم يلمس أوتار قلوبكم ..فأستميحكم عذرا ..و أواسى نفسى بأنه ربما كان أشبه بهذيان من مريضة بحمى الإشتياق ...

" قل لي من صديقك أقول لك من أنت "

 الصاحب يمكن الكلمه ديه تكون للبعض معبره وتمثل له كل الحياه , وللبعض هما اناس عابرين لفتره معينه  , أما فيه ناس عندهم الكلمه ديه ولا ليها أى لازمه كلمه وبس , صراحه ممكن يكون عندهم حق وممكن لا ساعات الناس اللى احنا مصحبنهم يكونوا وحشين وممكن يكونوا حلوين بس مش مناسبين لينا وممكن الظروف اللى أتحط فيها الأتنين دول مش مخلياهم يبقوا صحاب أوى بس بنفضل مستنين الأمل يرجع من جديد , الأمل بأن نقابل أصحاب نحبهم .


أنا عن نفسي بعتبر الصداقات اللى بره من المدرسه أكترها هو اللى بيستمر لسبب مقنع أنك لما تقابل الشخص ده هو مش عايز منك أي حاجه , لان صداقات العمل والمدرسه ممكن تكون صداقه لغرض معين بتستمر لفتره معينه وفجأه بووووم تختفي بس أيه السبب؟!
أحياناً ما نكونش عارفينه وممكن عارفينه بس ده مش سبب مقنع أننا نسيب بعض , أنا بتكلم كده و أنا أحلى صداقه كونتها كانت من المدرسه بس كنت صغيره  وقتها كان اهم حاجه ف المدرسه الجرس يرن عشان ننزل نلعب ما كُناش مهتمين بالمشاكل ولا أي حاجه بس بقاء الحال من المحال سافرت وبعدنا عن بعض , بطبيعه الحال كونت صداقات تانيه بس عمرها ما كانت زي اصحابي دول .


بس باقيلي أمل أنى أقابل أصحابي مره تانيه ونرجع لبعض , بس عجبتنى أوى كلام ليلي لاحمد قاسم فى مسلسل المواطن أكس أنه أحمد أخو محمد مات وما كنش عارف عن أخوه أى حاجه لانه كان بعيد عنه فليلي صاحبه أحمد قالت لمحمد أخوخ لما قالها أنه مش عارف أى حاجه عن أخوه  " قل لى من صديقك أقول لك من أنت " يعنى تعال وأعرفنا و أنت تعرف أخوك . فيا جمعه الصاحب مرايتك فأختار الصاحب اللى ينفعك مش يضرك ويشدك لحاجات غلط أ تخالف مبدأك أو مبادء دينك . فأنا لما أعرف أن ساره مثلا صاحبة ايه ( على فكره أنا ليا اصحاب برده بس حبيت أحطت أيه لانها بنت خالى وصحبتي و أختى ) المهم نرجع تاني أنا أقدر أحكم ع ساره بأنها فيها كده وكده وكده بناء ع صفات أيه اللى هى صحبتها .

                   المهم أننا نعمل صداقات تسمتر العمر كده , مش صداقاتنكونها  طول العمر كله وهي في ثانيه تضيع :)