أفصح عما بداخلك عله يرحك .. ويصفي ضميرك
قعدت على الكرسي الهزاز اللى بأوضه الضيوف .. وعماله أقرأ فى روايه .. مليت وزهقت .. لما جيت أقوم لاقيت الباب أنفتح .. عرفت أنه أنت .. رحت عشان أشوفك .. لاحظت على وشك علامه اليأس والحزن .. سألتك مالك مكوبت كده ليه ؟!!
قلتلي : روح أنا عمرى حرمتك من حاجه ..
أستغربت قتلك : لا طبعا ، بس أيه مناسبه الكلام دا ؟!!
أصلي كنت عند الدكتور فارس أنهارده وقالى أن العلاج بأيدك ..
علاج .. علاج أيه يا عمر ؟؟!!
ها دا أنتى حته يا روح نسيتي .. للدرجه ديه انتى مش مهتمه بالموضوع
موضوع أيه يا عمر ؟!
خلاص أنسي يا روح أنا تعبان وعايز أنام وأرتاح ..
لا يا عمر .. مش هنسى ولو سمحت تعال أقف وما تمشيش طول مأنا بتكلم معاك
روح .. أنا مش عايز نتخانق ... خلاص
نتخانق ؟!!!
أه أنتى كل مره لما أفتح معاك الموضوع تأخديه على نفسك وبس وبالأخر تزعلى .. وأنا بتضايق لما بتزعلى
أستنى يا عمر ليكون موضوع الخلفه والحمل
أه يا روح هو فيه غيره أمال هروح للدكتور فارس ليه ؟؟!
عمر أعتقد أن الموضوع دا خلص من زمان .. وأنا قلتلك أنى مش هروح لدكتور تانى وأنا بدور على دكتوره شاطره
روح ، من خمس شهور وأنتى بتقولى الكلام دا ..
يعني يا عمر أنا دلوقتى اللى غلطانه .. على العموم هو دا اللى عندي ..
روح ، روح .. أصبري أنا قلتلك مية مره أن دكتور فارس هو أشطر واحد هيحل مشكلتك ..
ربنا هو بس هو اللى في أيده الحل ..
ونعم بالله بس الواحد يأخد بالأسباب ..
ودكتور فارس بأه هو السبب ؟!!
أه ... هوالحل الوحيد اللى قدامى .. يعني أنتى فاكره أنى راضي على أنه راجل ؟! بس هأعمل أيه يعني ؟!
إ
ن كان الدكتور فارس هو الحل .. يبقى خلاص أنسى أنا مش هأخد السبب دا .. أنا مش هأغضب ربنا عشان أخلف
لا..لا .. لا ، ما تغضبيش ربنا بس أنا برده ليا حقوق عليكي ودا أهم حق لازم أخده ... ولا أنتى عندك رأى تانى ؟!
عمر .. أعمل اللى أنت عايزه .. لو عايز تسبني سبنى و روح اتجوز واحده تانيه تخلفلك ..
ياه.. يا روح على الكلام الماسخ اللى ملوش لزمه .. أنا بقول أيه وأنتى بتقولى أيه ؟؟!
عمر ممكن تسبنى .. أنا مش عايزه اتكلم
دلوقتى أسيبك ولما قلتلك أنك بتاخدى الكلام على نفسك .. بتزعلى فى الاخر .. أنتى أنانيه على فكره
برحتك اللى عايز تفهمه أفهمه .. بس أنا مش أنانيه .. أنا أنسانه وعندى مشاعر ..
مأنا برده أنسان وعندي مشاعر .. ولما بشوف أصحابي كلهم مخلفين عيل وأتنين إلا أنا بتضايق برده ..
هو الأمر بالمقارنه .. أصحابك عندهم أولاد يبقى أنت كمان لازم يكون عندي ولاد ..
روح ليه أنتى حرمانى من أنى أبقى أب ؟! ..
وأنت ليه حرمتنى من أنى أبقى أم ؟! بأعتقادك يا عمر يوم لما أتخانقت مع حسن .. أنا كنت حامل على فكره
أيه ؟!!
يووووووووه .. سبنى يا عمر
روح ما تمشيش أنا بكلمك أيه موضوع خناقة حسن ؟!!
ما فيش حاجه .. سبنى يا عمر
أنتى بتعلمى أيه ؟!! بتلمى شنطتك ورايحه فين ..
هأمشي يا عمر زهقت .. سبنى يا اخى أمشي ..
أمشي يا روح .. أتفضلي .. الباب أهو بس ما ترجعيش تانى لو خرجتى ..
يعني أيه كلامك .. وضح أكتر !!!
لا مش هوضح .. كلامي واضح ..
برحتك أنا ماشيه ..
أستنى قبل ما تمشي .. أيه موضوع خناقه حسن أيه اللى حصل ؟!!
.. ما فيش حاجه ..
مش هتردى .. طيب ماشي أنا هعرف .. فين الزفت التليفون ؟ أنا هأتصل بماما وأعرف ..
عمر الموضوع مش مستعدي كل دا
روح .. سبيني .. أعمل اللى أنا عايزه .... ماما ، ماما ، ماما ... فين ماما ... ها أهيه
عمر ....
ألو يا ماما ، أزيك عامله ايه ؟! ماما معلش قوليلي أيه اللى حصل مع روح يوم خناقتى مع حسن .. حسن الزفط الباشا الحَبيِب
أستغفر الله العظيم .. عمر !!
اه الحيوان اللى كان بيحبها .. أنا اللى فتحت الموضع دا يا ماما جاوبيني على سؤالى وما تخرجيش أنتى كمان من الموضوع لو سمحتي
خلاص يا عمر أنا هقولك أيه اللى حصل ..
أبعدي يا روح .. كملى يا ماما , لا مش هخليها تقولي أنتى قوليلي .. هى خلاص باقت .. كملى يا ماما أنا متعصب
أنا بقيت أيه ؟!.. عمر هات التليفون .. ألو يا ماما ميساء خلاص .. ماشي ... سلام ... حاضر والله .. ربنا يستر سلام
أتفضلي قولى كل حاجه دلوقتى ..
حاضر .. يوم لما قبلنا حسن عند مامتك .. كنت حامل .. وكنت عاملها مفاجأه ليك .. ولما أتخانقت مع حسن لما لاقيته واقف معايا
طبعاَ مش محتاج أفكرك أنا أتخنقت معاه ليه ؟؟!
على فكره أنا كنت بقوله .. أنى حامل وعايزه أقولك .. فهو كان بيقولى طريقه ... اقولك بيها
أه .. اهلا يعني هو عرف قبلي أنك حامل ... روح انتى أيه لسه بتحبيه ؟!
عمر .. بطل الكلام دا .. أنا أتجوزتك أنت .. مش هو
ولما كان مقرب منك وواقف معاكي وبعيد عن عيونا وبتتكملوا بصوت واطي ... أنا موقفي أيه ؟! أسكت
لا .. لا .. لا بس ابقى بلطجى وتيجي تضربه وتعوره
أه .. هو دا اللى عندي دا أنا كمان ممكن اموته لو مش عاجبك !! المهم كملى
لما جيت تضربه هو قعد يقولك أصبر أفهمك .. ولما مسكت الكرسي وجيت تضربه بيه يا بلطجى ومسكت أيديك وقعتني
أه .. لما وقعتك صحيح أختفوا كلكم بالاوضه بعد كده ولما جيت أدخل ماما منعتني
هممممم ..... ضربتني ببطنى جامد بعدها عرفت أن .......
*********
ما تكمليش ... يعني أنا السبب ... طيب ليه ما قلتليش ؟!
أقولك أيه ؟!! أقولك أنك أنت السبب فى أنى مخلفش .. ها .. أنت السبب فى اللى أنت فيه .. وعلى فكره أنا كنت بروح لدكتوره
قالت أيه ؟! في أمل صح ..
قالت أن الضربه كانت قويه وأثرت معايا .. بس فيه أمل
خبيتي عليا ليه يا روح ؟!
عشان بحبك ..
يووه عليكي يا روح .. لازم تشاركيني بكل حاجه ... أنا هأقوم أتمشي شويه فى الشارع .. لو بتحبيني ما تمشيش
.. لا ما تمشيش .. ما تسبنيش لوحدي
روح أنا فعلا أسف .. وكمان بحبك ومش هسيبك تيجي نحاول تانى ..
ماشي .. بس لو جبنا ولد هنسميه حسن ..
أيه ؟!
بهزر .. بهزر .. هنسميه أدهم
لا .. الأسم دا خليه آخر حاجه