خاطره سريعه

هو ليه كل ما نكتب عن الحب يبقى بنحب ..
مش يمكن الحب دا الحاجه اللي مفتقيدنها في حياتنا ..
فبنحاول نحسس نفسنا اننا بنحب وممكن نتحب ..

صاحب العمر

من الحاجات اللي تخنق الواحد انه ما يكونش عنده صاحب يفهمه 

ما يكونش عنده صاحب ليه نفس طريقه تفكيرك او على الاقل فاهمك وبيعرف يتعامل معاك 

صاحب يكون معاك في كل حاجه يشيل عنك وتشيل عنه تحكيله ويحكيلك 

تبقى سره ويبقى سرك .. يقولك اعمل وما تعملش 

يزعقلك لما يشوفك بتغرق .. وفي نفس الوقت يطبطب عليك ويقولك انا معاك مش هسيبك 

الصاحب اللى تقوله على كل كبيرة وصغيره .. صاحب تحس انه انت بس في جسم غيرك 

يقولك عيوبك ويصلحها فيك .. مش ينتقدك ويحقد عليك ..

صاحب يشارك الضحك قبل الحزن .. صاحب يكره اللي بتكره ويحب اللي بتحبه 

يستحملك ويهون عليك .. يتخانق عشان ويكون دليلك 

مايسيبكش لوحدك ويفضل معاك .. يعمل كل اللى انت عايزة 

تتجنن يتجنن معاك .. تزعل يطبطب عليك بس من جواه زعلان عشانك .. 

يقولك مين بيحبك ومين بيمثل عليك .. يدافع عنك من وراك ..

يحبك .. يناقشك .. يضربك .. يحضنك .. يكون معاك في كل مكان وكل ظرف وكل زمان :")

المشكله الوحيده في الصاحب دا يا ترى هنلاقيه فين ؟؟!

....

ويوم ما تحاول تحب يا قلبي تحب شخص مش مهتم بيك .. 

ويوم لما تتعلق بقلبه .. تلاقي قلبه مع حد غيرك ..

ويوم لما تلاقي اللي بتحبهم وبيحبوك .. تلاقي الوقت خلص والظروف هتفرقكم عن بعض ..

ولا لما جيت تتكلم وتحكي لاقيت الوقت مش مناسب ..

و وسط كل دا المفروض تتحمل وتسكت ..

لا انت تبقى معاهم ولا قادر تبعد عنهم ..

لا انت عارف ايه اللى جواهم من ناحيتك ولا انت عارف ايه اللى جواك ليهم 

هل هو إعجاب .. ولا بجد بتحبهم ..

يمكن نشوفهم

فجأه ممكن تلاقي نفسك ماشي عمال تدور عليه
عمال تبص يمين وشمال يمكن تلاقيه ،،، تتلفت وراك وترمي نظرك لبعيد يمكن تلمحه
بيبقى نفسك تطمن عليه من غير ما تروحله ، نفسك تشوفه لابس ايه وعامل ايه
نفسك يعدي من قدامك ويسلم عليك ، ولما تبص في كل حته ما تلاقيهوش
تحاول تتحج باي حجه عشان تروحله وتشوفه ، بس المشكله لو ما كنش فيه حجه لا عارف تروحله ولا عارف تخترع حاجه ﻷن حجتك لو ما كنتش مقنعه هتبقى مفئوسه وهيتعرف انك طالع ليه
تكمل طريقك مع اللي معاك وتفضل تحكي عنه وعن حاجات ليها علاقه بيه
تحاول تعرفهم انك عارف حاجات عنه هما مش عارفينها وممكن تضطر تكذب ﻷن لسانك زلك بكلام ما ينفعش تقوله ، وتضطر تكدب وتحور عليهم وتقعد تبرر وتتكلم كتير ويعرفوا وقتها انها بتتكلم عليه وانه فيه حاجه بينكم انا محسسهم انك مش مهتم بيه وهما مطاوعينك بس برده هما عارفين انه متعلق بيه ونفضل احنا نتكلم ونغلط ونحور عليهم ونكدب ويفضلوا هما فاهمين اللي بيحصل وقاعدين ساكتين. 
مش لو كنا شوفناهم كان احسن لنا :")

أنت معي بكل وقت ..

..... هل تعلمين أين كنت الليله ؟!!

ذهبت لمحلك المفضل الذي تشترين منه ملابسك

..... هل تعلمين ماذا فعلت فيه ؟!!

اشتريت كل قطعه كنتِ ترتدينها 

..... هل تعلمين كم قضيت من الوقت فيه ؟!! 

قضيت كل الوقت فيه ، إلى ان أغلق المتجر أبوابه 

..... هل تعلمين كم انفقت الليله ؟!!!

أنفقت كل مالي 

.... هل تعلمين اين أكلت اليوم ؟!!

أكلت في المطعم المجاور للمحل الذي تشترين منه ملابسك 

.... هل تعلمين لماذا ؟!!

خفت ان تأتي ولا أراكي ، فجلست أكل وأنتظر لعلك تأتين 

... هل تعلمين ماذا فعلت عندما عُدت للبيت ؟!!

علقت جميع الملابس التي اشتريتها أمامي 

.... هل تعملين أيضاً ماذا فعلت ؟!!

رششت عطرك الذي كنتِ تستخدمينه على كل الملابس 

... هل تعلمين لماذا ؟!!

أردت أن املأ الغرفه بأكملها عنك وبك  

.... هل تعلمين لماذا ؟!! 

لأشعر أنكِ معي 

.... هل تعلمين كيف نمت ؟!!

من شده بكائي عليكِ 

.... هل تعلمين لماذا ؟!!

لأن عيناي لم تعد تراكِ وأذني لم تعد تسمعك وقلبي ما زال يخفق بحبك 

.... هل تعلمين كيف سأقضي بقيه الأيام من دون مال ؟!!

سأشتم عطرك وأرى ملابسك ، وأتخيلك امامي ،سأنسي حينها المأكل والمشرب 

..... هل تعلمين أين سأنام ؟!!

وسط ملابسك 

..... هل تعلمين متى سأستيقظ ؟!!

في الوقت الذي كنتِ تستقظين فيه كل يوم 

.... هل تعلمين كيف سأقضي يومي ؟!!

سأقضيه أرتب ملابسك وأبعثرها مره أخرى 

.... هل تعلمين لماذا أفعل كل هذا ؟!! 

ببساطه لأني لا أحبك فأنا أعشقك 

.... هل تعلمين لماذا لا أريد أن أعترف بموتك ؟!!

قد تكونين ذهبتي عن الحياة ولكنك ما زلت بالقلب 

أشتقت لكِ .. وأتمنى أن تحين ساعتي لأجتمع أنا وأنتِ مره أخرى 

لا أريدها ذكرى

ها قد عاد كل شئ كما كان ساد الصمت الحيا بأكملها ، عاد يومي لطبيعته مرة أخرى كل شئ يتكرر لكن بتغيرات طفيفه فالمكان نفسه والأشخاص لا يتغيرون و الأحاديث نفسها الحال نفسه الصمت نفسه ، ها قد أنزلت الستار على هذا المشهد الذي لطاما تمنيت ألا أنزل الستار عليه ابدا، فقد أبدعت واكتشفت ذاتي بهذا المشهد ، أيقنت حقيقه الأهتمام وأيقنت حقيقه التجاهل وحقيقه الدموع وحقيقه المشاعر الصادقه.  وبهكذا تكون بطولتي في حياة هذا الشخص انتهت انتهاء لا يمكن العوده فيه أبدا ، أحببتها حب صادق ، لم أتمن يوما إلا أن
اكون لها اخت ربما صديقه ، أردت أن أكون بجانبها وتكون بجانبي لكن امنياتي جميعها بدت كلها لا تحقق ، قد يكون الخير في البعد عنها ونسيانها ولكن كيف لي أن انسى روحا تعلقت بها ، روحا رسمت الابتسامه على وجهي روحا أذبتني حبا من كلامها ودلعها لي أذبتني من تجاهلها لي الذي جعلني أغرق بحبها أكثر...... وهكذا يستمر نزاعي مع نفسي في محاوله الحفاظ عليها وعدم نسياها

مستنين :)

أصعب حاجه ممكن تحسها ، انك تكون بتحب شخص ومش عارف تقوله مشاعرك تجاهه
ومش عارف تقوله عشان خايف يمكن مش بيبدلك نفس الشعور
ولا يمكن انت مش بتحبه بس هي شهوه واخداك معاها
منتش عارف تقولك عشان مش عارف انت ايه بالنسبه ليه ...
ساعات بتحس انه بيحبك وبيهتم بيك ، لما تعدي من جنبه يبصلك ويبتسملك أبتسامه توقف قلبك
بتحس أوقات انك مهم عنده وتبدأ تقول لنفسك أيوا دا الشخص الصح
وتلاقي نفسك لا إراديا ب تتخيل حياتك معاه هتبقى عامله ايه
وفجأه تحس انه مش متهم بيك ولا عايزك معاه
كلامه معاك يقل ، ابتسامته تختفي ، اسلوبه يتغير
بيبقى هاين عليك تروح تقوله مالك انا عملتلك ايه ؟!
أنا زعلتك في حاجه ؟! في حاجه ضايقتك مني ؟!
وفي نفس ذات اللحظه  تهون عليك كرامتك اللي هتتان
وتبقى عايش لانت قريب منه ومتاكد انه بيحبك ولا هو بعيد عنك ومش عايزك
وتفضل ماشي في الحياة تصرفاتك كلها تتفهم غلط من الناس
كلامك تتحاسب عليها بالهفوات ، نظراتك متراقبه ومحسوبه عليك
سكوتك تكره شويه وتختاره كتير وتتغصب عليه اكتر
وما يبقاش فيه حاجه تعملها غير انك تستنى
تستنى الايام والمواقف تبينلك هل هو فعلا بيحبك ولا هو حسسك بكدا لفترة وخلاص
تستنى يمكن الظروف تسمحلك انك تقف تتكلم معاه وتفهم من كلامه معزتك عنده
ونستنى ونتستنى لحد ما ربنا يفرجها من عنده :")

كلمه من أربع حروف

..... كلمه هتحل كل حاجه
هتحل كل سوء فهم ، هتحل كل الخلافات ، هتجمعنا تحت سقف واحد
كلمه لو اتقالت لنا ..
هنبقى اسعد ناس في الدنيا ، هنبطل ندور عليهم ونراقبهم من بعيد
هنبطل نخبي غيرتنا عليهم ، هنقف معاهم من غير ما نخاف
هنبص في عينهم أوي ونسرح ، هنسهر طول الليل نفكر فيهم
كلمه بتوصف جواها كل حاجه
بتوصف تصرفات كتير ، بتوصف معزتك جواهم ، بتظهر كل خفايا الصدور
كلمه بنتمنى نسمعها كل يوم ،كل ثانيه وكل لحظه
بس يا ترى هل هنلاقي الشخص اللي يقولنا الكلمه ديه ونحس بيها معاه ؟!
#بحبك :)