أحياناً ... أوقات

في أوقات الواحد بيحس أنه نفسه يمسك التليفون ويتصل بحد بيحبه قوي
ويقعد يعتبه أزاى أنه راضي يعيش وهو بعيد عنه ..
أزاي حياته بيقدر يكملها .. وهو حياته وقفت بسببه وبسبب أنه بعيد عنه ..

أوقات تانيه .. بيبقى الأنسان فاض بيه الكيل وزهق من طول الانتظار ..
وبيكون نفسه يقوم ويقول للشخص اللى بيحبه أنا بحبك ..

وأحياناً .. بيكون نفسنا نكون على شط البحر .. ونجمع كل اللى بنحبهم في المكان دا .. ونقعد معاهم

وأحياناً .. بنكون عايزين نبكي .. على كتف أي شخص  .. ويسمعنا من غير يقول اى كلمه

وأوقات بيبقى نفسنا في حد يجي يضمنا قوي .. يمكن ننسى اللى جوانا وقتها

وأوقات بنكون نفسنا يكون عندنا أطفال صغيرين لسه مولدين .. ونشيلهم ونراقبهم وهما بيناموا .. ونقعد نمسك أيديهم وكل لما نبص ليهم ننسى كل الهموم و المشاكل

أوقات بنبقى هنتجنن .. ونشوف ناس معينه .. وبنبقى متعصبين ومتضايقين .. بسبب أننا مش شايفنهم

أوقات بنحب نعمل خناقه مع اللى بنحبهم .. عشان نشوف معزتنا عندهم .. و هيعملوا ايه عشان يصالحونا

أوقات كمان بنبقى نفسنا نصحى .. في مكان غير اللى أحنا فيه دلوقتي .. ومع ناس غير اللى حوليك ..

أوقات بيكون نفسنا .. نقول كل اللى في قلبنا .. عشان نرتاح ، حتى لو هيجرح الناس

أوقات بيبقى نفسنا ... لو نخرج لوحدنا مع شخص بنحبه أوي .. ونروح مكان ما حدش يشوفنا فيه ...

أوقات بنبقي فرحانين جدا .. و نحب نشارك الفرحه ديه مع شخص جديد في حياتنا

أحياناً بنبقى نفسنا نمسك الموبيل ونلاقي رساله مبعوته من حد ليه معزه كبيره عندنا . ومكتوب فيها كلام يخلي الواحد يطير من الفرحه